Alltaf fullar:)

Sælar stúlkur.

Loksins að maður lætur til skarar skríða á þessum vef. Eins og þið hafið eflaust tekið eftir þá hef ég varið litlum part tíma míns í að blogga þessa önnina. Ég er greinilega svona dugleg í skólanum... hehe

Spurt er hvenær ég sé væntanleg á klakann og það mun vera þann 15.des að öllum líkindum. Ég er í veseni með sjúkrapróf, veit ekki enn hvenær það verður dagsett, svo ég krossa bara puttana uppá að það verði ekki fyrr en í janúar.
Ég á eftir að bóka mér far heim, en satt að segja væri best fyrir mig að fara snemma, enda væntanlega 2 próf í jan. Málið er að það er bara svolítið dýrt að fljúga svo snemma svo ég hef ekki hugmynd um það hvenær ég kemst heim aftur...

Annars er allt gott að frétta héðan, það er nú ekki eins magnað vetrarveður hér og hjá ykkur á klakanum, sem virðist bera nafn með réttu þessa dagana.


Við Steinunn erum í ágætis törn núna, verkefni og kynningar hjá mér og endalaus próf hjá henni, en það stoppaði okkur ekki síðasta fimmtudag í að skella okkur út með hinum dömunum hérna á "konukvöld" að okkar hætti. Byrjaði með mat og endaði á kokteilabar... óþarfi að útskýra hressleikann sem hrjáði okkur daginn eftir. Vaka var svo skemmtilega á landinu svo hún tók þátt í vitleysunni með okkur.

Eins og þið sjáið þá fór enginn þyrstur heim:)

Vona að þetta sé spark í rassinn á tilvonandi ferðalöngum sem ætla leggja land undir fót og kíkja við í danaveldi í febrúar. Það skortir sko ekki "aktivitet" hér hjá okkur:)

Annars þá ætla ég ekki að hafa þetta lengra, vona að þið séuð ekki að deyja úr vosbúð þarna á gamla Fróni.
Þangað til næst!!!

(p.s hvernig væri svo að segja okkur frá lífinu heima við, okkur finnst alltaf gaman að heyra hvernig gengur og hvað er að frétta. Svo verðið þið að fara planleggja ferðina!!).